Ծննդատան սարքավորումներ

Dräger Isolette TI500-ը բարձրակարգ ինկուբատոր է, որը նախատեսված է նորածինների անվտանգ տեղափոխման համար։ Այն ապահովում է անհրաժեշտ ջերմակարգավորում, խոնավության վերահսկում և օպտիմալ օդափոխում՝ պաշտպանելով նորածնին տեղափոխման ընթացքում։

Dräger Isolette 8000 Plus-ը բարձր տեխնոլոգիական ինկուբատոր է, որը նախատեսված է նորածինների ինտենսիվ խնամքի համար, այն ապահովում է օպտիմալ ջերմային միջավայր, ինչպես նաև ունի մոնիթորինգի հնարավորություններ։ Սարքը համատեղում է նորագույն տեխնոլոգիաները, որոնք օգնում են կանխարգելել հիպոթերմիան, ապահովել կայուն ջերմակարգավորում և հեշտացնել բուժանձնակազմի աշխատանքը։

Progetti PG NEST-ը բարձր տեխնոլոգիական նորածնային ինկուբատոր է՝ նախատեսված վաղաժամ կամ առողջական խնդիրներ ունեցող նորածինների ինտենսիվ խնամքի համար։ Այն ապահովում է կայուն, վերահսկվող միկրոկլիմա՝ օպտիմալ ջերմաստիճանով, խոնավությամբ և օդափոխությամբ՝ նպաստելով նորածնի կայուն ֆիզիոլոգիական վիճակի պահպանմանը։

Dräger Babyleo TN500-ը նոր սերնդի ինկուբատոր-տրանսֆորմեր է, որը համատեղում է բաց և փակ ջերմային խնամքի հնարավորությունները։ Այն ապահովում է նորածնի օպտիմալ ջերմակարգավորումը և պաշտպանում նրան արտաքին գործոնների ազդեցությունից՝ դարձնելով խնամքի գործընթացը առավել արդյունավետ և հարմարավետ։