Պացիենտի անվտանգությունը հանդիսանում է առողջապահական համակարգի առանցքային արժեքներից մեկը։
Ժամանակակից բժշկությունը, զարգանալով տեխնոլոգիական արագ տեմպերով, պարտավոր է միաժամանակ պահպանել այն հստակ սկզբունքները, որոնք ուղղված են պացիենտի առողջության պահպանմանը։ Այս սկզբունքներից ամենակարևորը՝ անվտանգ միջավայրի ապահովումն է։
Այդ միջավայրի հիմքում ոչ միայն մասնագետների պրոֆեսիոնալիզմն է, այլև օգտագործվող սարքավորումների ճիշտ ընտրությունը, կիրառումը և տեխնիկական սպասարկումը։ Բժշկական տեխնիկան պետք է ծառայի ոչ միայն ախտորոշման ու բուժման գործառույթներին, այլև պետք է համապատասխանի անվտանգության բոլոր նորմերին։
Սարքավորումների նախագծում պացիենտների հարմարավետության և անձնակազմի անվտանգության համար
Բժշկական սարքավորումների նախագծման ժամանակ կարևոր է հասկանալ՝ յուրաքանչյուր համակարգ, տարր կամ մեխանիզմ ունի ուղղակի կամ անուղղակի ազդեցություն բուժման որակի և միջավայրի հիգիենիկության վրա։
Պացիենտի համար նախատեսված սարքավորումը պետք է ապահովի․
- մարմնի հարմար դիրքավորում,
- Անհարմարության նվազագույն մակարդակ երկարատև հետազոտության կամ բուժման ընթացքում,
Անձնակազմի համար՝
- հասանելի կառավարման տարրեր,
- ինտուիտիվ ինտերֆեյս,
- ավտոմատացման մեխանիզմներ՝ սխալները բացառելու համար։
Որակյալ բժշկական սարքավորումը նպաստում է նաև արդյունավետ աշխատանքի ապահովմանը։
Վարակների վերահսկում. Բժշկական սարքերի ստերիլիզացիայի և ախտահանման դերը
Բուժման գործընթացում նույնիսկ փոքր վարակը կարող է բերել մեծ բարդությունների։ Նոսոկոմիալ վարակների կանխարգելումը պետք է սկսվի հենց սարքավորման նախագծման փուլից։
Ժամանակակից բժշկական սարքավորումները պետք է ապահովեն․
- հարթ մակերեսներ՝ փոշու և մանրէների կուտակումից խուսափելու համար,
- առանց անկյունների ու ճեղքերի կառուցվածք՝ հեշտ մաքրման համար,
- քիմիակայուն նյութերի կիրառում,
- պարզ և հասանելի ուղեցույցներ՝ ախտահանման պրոցեսի համար։
Սարքավորումները պետք է պարբերաբար ենթարկվեն հիգիենիկ վերահսկման, իսկ դրանց ստերիլիզացիայի գործընթացը՝ լինի ստանդարտացված ու հաստատված արտադրողի կողմից։
Ռիսկերի նվազեցում. Սարքավորումների հուսալիության ապահովում
Ինտենսիվ թերապիայի, վերակենդանացման և վիրաբուժական բաժանմունքներում յուրաքանչյուր վայրկյան վճռորոշ է։ Այստեղ նույնիսկ աննշան խափանումը կարող է փոխել միջամտության արդյունքը։ Այդ պատճառով սարքավորումների հուսալիությունն այս ոլորտներում դիտվում է ոչ թե որպես ցանկալի հատկանիշ, այլ՝ պարտադիր պահանջ։
Բարձր հուսալիության ապահովման համար սարքավորումները պետք է ունենան՝
- կրկնակի էներգամատակարարում,
- համակարգային անվտանգության ավտոմատ գործառույթներ,
- ինքնամաքրման կամ սխալ հայտնաբերման ալգորիթմներ,
- ծրագրային անվտանգության մշտադիտարկում։
Սարքավորումների շարունակական թարմացումը և տեխնիկական վերազինումը ևս նվազեցնում են սխալների և խափանումների հավանականությունը։
Մատակարարման գործընկերոջ դերը անվտանգության ապահովման մեջ
Բժշկական սարքավորումների գնումը միայն գմնան և ապրանքի տեղափոխման գործընթաց չէ։ Այստեղ մեծ դեր ունի մատակարարի փորձառությունն ու մատուցվող ծառայությունների ամբողջականությունը։ Վստահելի գործընկերը ոչ միայն մատակարարում է որակյալ տեխնիկա, այլև՝
- ապահովում է սարքավորման ճիշտ տեղադրում,
- իրականացնում է անձնակազմի ուսուցում,
- տրամադրում է շարունակական տեխնիկական աջակցություն,
- տրամադրում է երաշխիքային և հետերաշխիքային սպասարկում։
MV Medtech ընկերությունն իր գործընկերներին տրամադրում է ամբողջական աջակցություն՝ ընտրությունից մինչև շահագործման ավարտ։
Եզրակացություն
Պացիենտի անվտանգության բարձր մակարդակի ապահովումը պահանջում է համակարգված մոտեցում։ Սարքավորման նախագծումից մինչև դրա սպասարկման ընթացք, յուրաքանչյուր փուլ պետք է ծառայի մեկ նպատակի՝ ստեղծել ապահով միջավայր ստեղծել բժշկական յուրաքանչյուր հաստատությունում։
MV Medtech ընկերությունը վստահելի գործընկեր է բոլոր այն հաստատությունների համար, որոնք ձգտում են նոր մակարդակի բարձրացնել բժշկական ծառայությունների որակը։ Մենք տրամադրում ենք ժամանակակից, փորձով հաստատված և միջազգային ստանդարտներին համապատասխանող բժշկական տեխնիկա, բժշկական սարքավորումներ որն օգնում է առողջապահական հաստատություններին ապահովել անվտանգ և արդյունավետ աշխատանք։
